नाडी छाम्ने डाक्टरको असारे दौड ।
नाडी छाम्ने डाक्टरको असारे दौड ।
२०७४ साल असार २२ गत, बिदामा म निस्केर काठमान्डौ आएको दिन ।पर्सिको दिन मेरो वीर अस्पतालको प्रबेश परिक्षा । पढाईको दौड बढाउन नसकेपनी आफ्नो दौड भने राम्रै भएको थियो । त्यो दौडमा आफ्नो कार्यालयको रुपरेखा परिवर्तन गर्ने उत्कट इच्छा मिसिएको थियो । २०७३ साल माघ महिनामा आफ्नो कार्यस्थल पाइला टेक्दा बातावरण निकै मुग्ध थियो । नयाँ ठाउँ नयाँ परिबेश् । नेपाली भाषाको नयाँ लवज । सोही समयमा मेरो मनमा उब्जिएको बिचार “नाडी छाम्ने डाक्टर ” शिर्षकमा उत्रिएको थियो । ( http://shambhukhanal.blogspot.com/2017/06/nadi-chhamne-doctor.html) सल्यान जिल्लाको थारमारे भन्ने ठाउँ बिकासको गति समात्न खोज्दै गरेको अनुभुती हुन्थ्यो । कसैले मनले गियर थिचिदिए गति रन्किने प्रबल सम्भावना देखिन्थ्यो । अहिले भने गियर थिचिदिने प्रबल नेत्रित्व हुँदा फड्को नै मार्ने आश गर्न सकिन्छ ।
कार्यालयको भवन उभिएको थियो निकै आशाका साथ । कसैले मलाई बेहुली सिङारेजस्तै सिङार्छ कि भन्ने आशामा बसेको जस्तो लाग्थ्यो । आन्तरिक क्षमताले सबै काम नसकिने हुँदा कुनै संस्थाको सहयोग माग्न सकिन्छ कि भन्ने ध्यान भने सधैं हुन्थ्यो मलाई । त्यस्तैमा एउटा गैर सरकारी संस्थाले केही सहयोग गर्ने मनसाय रहेको पत्ता लगाएको थिए । उनिहरुसँग संपर्कमा रहिरहेको थिए र त्यो सहयोग अन्य संस्थामा जानुभन्दा आफ्नैमा ल्याउने दौडमै थिए । सहयोग सानो थियो तर निकै प्रभाब्कारी गर्न सकिने किसिमको थियो ।
सो संस्थाको सहयोगमा केही आवश्यक सरसामाग्री स्वास्थ्य केन्द्रमा आउने पक्का गरेर काठमाडौ आफ्नो परिक्षा भेटाउन निस्किएको थिए । सबैलाई असार महिनामै चटारो पर्नुको कारण बुझ्न सकेको छैन । सो संस्थाले पनि असारको मध्यमा सहयोग दिने बाचा गर्यो । त्यो काममा लागियो भने आफ्नै काम छुट्ने पीर पनि थियो । २५ गतेसम्म कागजात संस्थाको केन्द्रिय कार्यालयमा पुगिसक्नुपर्ने भन्ने उर्दी थियो। तथापि सानो परिबर्तनको इटा जोड्न पर्यो भनेर त्यसको कागजात तयार गरेर पठाएको थिएँ कुरियरमार्फत । अब काम सम्पन्न भयो भनेर आनन्दसाथ काठमान्डौ तिर लागेको थिएँ । २२ गते दिउँसो फोन आयो । “ डाक्साप । कागजात त आएको थियो । आज हेर्दा लेखेको मिलेको रहेनछ । कागजात पठाउनुपर्ला । ५००० माथिको रकममा कोटेसन पनि चाहिन्छ । आदि ” सरकारी नियमभन्दा फरक नियम त्यही समय सिकियो । मेरो मनमा भने “ बर्षभरि तात्तिनुछैन । असारमै दौडिन पर्ने कस्तो सन्स्कार होला । “ भर्सेला परोस् भनेर एक मन त जागेको थियो । त्यहिपनि प्रयास गर्नुपर्यो भनेर तुल्सिपुर फोन संपर्क गर्न लागेँ । चिनेजानेको कोही नहुनु र भएको पनि काठमान्डौ सोही परिक्षा निम्ती हुँदा त्यो काम फत्ते गर्ने प्रयासमा नेपाल टेलिकमलाई भने राम्रै फाईदा भएको थियो त्यो दिन ।
तुल्सिपुरबाट नेपालगन्ज कुरियर गरिएको कागजपत्र काठमान्डौसम्म चक्कर खाएर बल्ल नेपालगन्ज पुग्नेरहेछ । त्यसमाथि मुग्लिङ सडक निर्माण कार्यको कृपा थियो त्यसबेला । अलि बढिसमय नै बाटोमा चक्कर खाने निस्चित थियो। कुनै पनि हालतमा त्यो २५ गते बिहान १२ बजेभित्र नेपालगन्ज अफिसमा पुग्ने सम्भावना थिएन । केही उपाय लगाउनैपर्ने हुँदा सो कागजात पून : नेपालगन्जबाट काठ्माडौ अफिसमा पठाइने हुँदा काठ्माडौबाट नै मैले त्यो निकालेर अफिसमा पुर्याइदिने कुरा भयो । यस्तैमा त्यो दिन सकियो । अर्को दिन दिउसो परिक्षा दिएर तुरन्तै कुरियर बोकेको गाडी फेला पार्ने क्रममा बल्लतल्ल अनामनगर पुगे । शनिबारको दिन भएकोले कुरियर अफिस नखुल्ने हुँदा गाडी र गाडी चालक नभेटी नहुने थियो । बाटोमा गाडी कुरेर हरेकको नम्बर प्लेट हेर्दै बस्नुपर्यो । फेला पनि पर्यो । गाडीबाट कागजपत्र बुझेर लाजिम्पाट दौडिएँ र त्यहाँ अफिसमा पुर्याइ म फर्किएँ ।
अर्को दिन स्वास्थ्य सेवा बिभाग गएर सरसामाग्रीको जानकारी लिएर भैरहवा फर्किएँ । परिक्षाको रिजल्ट पनि आएछ । आजसम्ममा असफल भएको मेरो पहिलो परिक्षा । नरमाइलो लागेको थियो । कार्यालयको दौड र किताबको दौड सँगै लैजानुपर्ने देखियो । कार्यालयको चक्करले मलाई पनि चक्कर लाग्यो । असार महिना पुरै ब्यस्त महिना । ट्रैनिन्ङ, मिटिङ आदि सबै कार्य असार महिनाको बिशेषता रहेछ । यो त सानो एउटा कार्यालयको अनुभव मात्रै हो। मलाई अलि याद रहेको घटना । कती कार्य पूरा नहुने,ंअ होलान् भने कति त कागजमै सिमित हुँदा हुन् ।
घटना सानो भएतापनि असारे दौडले केही कुरा सिकायो । केही कुरा बुझ्न पनि पाइयो । यो त एउटा सानो प्रातिबिम्ब घटना मात्रै हो। तर यस्ता असारे दौडले कार्यसम्पादन कतिसम्म प्रभाबकारी होला भन्ने प्रश्न भने उब्जिएको थियो । चाहेको खन्डमा धेरै कुरामा परिवर्तन गर्न सकिने रहेछ । कसैले भरोसा तथा आड दिएमा र गर्ने इच्छा भएमा परिवर्तनले गति अवस्य लिन्छ । नाडी छाम्ने डाक्टरको
स्वरुप केही मात्रामा भएपनी परिवर्तन भएको जस्तो लाग्छ । त्यसका लागि आड दिने स्थानीय तहको मुख्य भूमिका रहेको हुन्छ । र त्यो भूमिका सल्यान थारमारेमा राम्रो रहेको देखिन्छ । सबैको जय होस् ।
Comments
Post a Comment